Afmæli

Ég er kominn heim frá Barcelona - árinu eldri. Raunar svo gamall að mér vitrari (og ókurteisari jafnvel) menn segja mér að ég sé orðinn gamalmenni - farinn að sjá yfir böltann eins og þeir segja í Skaftafellssýslunni.

Hvað um það. Á slíkum tímamótum skilst mér að venja sé að líta til baka og þakka fyrir allt það góða sem hefur hent mann á lífsleiðinni. Það hef ég gert, takk fyrir mig. Taki það til sín sem eiga .

Að þessari upprifjun minni lokinni ákvað ég að hafa daginn í dag eftir mínu höfði í einu og öllu. Sem gamalmenni sem ólst upp á eitís tímabilinu geri ég ráð fyrir að dagurinn verði c.a. svona:

Fyrst mun ég reyna við töfrateninginn. Ég náði aldrei tökum á honum í þá daga, þó ég hafi einu sinni álpast til að koma honum saman, og ég á svosem ekki von á því að það gangi betur í þetta sinn.  

Meðan ég reyni við teninginn mun ég hlusta á bæði lögin með Limahl  

og jafnvel eitthvað með Cindy Lauper  

og Stephen Tintin Duffy

Eftir nokkrar árangurslausar

tilraunir fæ ég mér Soda-stream

eða RC-kóla  

og læt þreytuna líða úr fótunum í Clariol undratækinu

Í kvöld horfi ég svo á video

 

t.d. Romancing the stone

eða fyrstu 128 þættina af Dallas

Fyrir svefninn tek ég síðan einn Pac-man  kemst vonandi í bananaborðið!

Í nótt mun ég svo væntanlega vakna til að pissa............... 

Athugasemdir

[Hulda Bergrós Stefánsdóttir, 15.4.2008 kl. 15:39]

Velkomin í hóp vitrara og reyndara fólks  hér er gott að vera og ekki slæmt að fá eitís nostalgíuköst svona stöku sinnum

[Heiðrún Dóra (IP-tala skráð) 15.4.2008 kl. 17:43]

Vitlaus geturðu verið litli bróðir Til hamingju með öll þessi ár.

[Soffía Valdimarsdóttir, 15.4.2008 kl. 18:12]

Krææææææææææst!

Þetta er óþægilega fyndið. En til hamingju með daginn í gær og megirðu njóta ánægjulegra þvagláta um ókomin ár

[Inga Jóna (IP-tala skráð) 15.4.2008 kl. 18:12]

Innilegar hamingjuóskir með gærdaginn :)

Kveðja frá Héraði.

[Bryndís R (IP-tala skráð) 15.4.2008 kl. 18:14]

Til hamingju með afmælið

[Haraldur Bjarnason, 15.4.2008 kl. 23:04]

Ég sé á öllu að þessi áfangi í lífinu hefur haft þroskandi áhrif - Til hamingju með afmælið

[Eiríkur Harðarson, 15.4.2008 kl. 23:17]

Til hamingju með áfangann. Þó þú sért rétt orðin fertugur þá frábið ég mér að þurfa að lesa einhverja hægða eða þvagpistla frá þér, do´nt start to be boring.

[Golli (IP-tala skráð) 16.4.2008 kl. 03:12]

Ég skulda þér gratúleringu........og þetta var hún

 Golli.

[Ingvar Valgeirsson, 16.4.2008 kl. 13:20]

Fín upptalning - vantar bara að horfa á Never Ending Story, sem einmitt Limahl syngur titillagið í. Jafnvel líka Electric Dreams, hvar Phil Oakey úr Human League syngur titillagið... nú eða Ghostbusters... og Goonies. Á Betaspólum.

Svo má tengja Sinclair-tölvuna og taka fram kassettuna með Jet Set Willy-leiknum og spila af miklum móð þangað til mamma kemur og segir manni að bursta tennur og fara að sofa.

Afsakið, datt í nostalgíukast.

[Anna Ólafsdóttir (anno) (IP-tala skráð) 16.4.2008 kl. 16:35]

Til hamingju með áfangann.  Undirrituð sem er talsvert eldri og reyndari getur fullvissað þig um það að ballið er rétt að byrja og það á bara eftir að batna  

[Guðmundur Rafnkell Gíslason, 17.4.2008 kl. 14:11]

Flottur pistill. Til hamingju. Þín var samt sárt saknað á Austfirðingaballinu... en þetta slapp. Til lukku... gamli!

[Heimir Eyvindarson, 19.4.2008 kl. 07:34]

Takk fyrir góðar kveðjur