Mannvitsbrekkan Björn alltaf hress

Björn segir: Meira en 80% kjósenda flokksins höfðu áskorun Jóhannesar að engu. Hmmm........er það gott? Allt má nú túlka sér í hag!

Ég ætla ekki að taka afstöðu til þess hvort Jóhannes Jónsson er góður maður eða slæmur en mér, sem óbreyttum borgara, hefur ekki á nokkurn hátt dulist hvaða hug dómsmálaráðherra landsins ber til hans og Baugs. Björn hefur hvað eftir annað tjáð sig í ræðu og riti um fyrirtæki Jóhannesar og þar með beitt ofríki, í krafti stöðu sinnar og valds..........eða hvað?

Það að 20% kjósenda Sjálfstæðisflokksins í kjördæminu, líklega eitthvað um 2500 manns, skyldu strika yfir dómsmálaráðherra landsins hljóta að vera skýr skilaboð um það hvað kjósendunum sjálfum finnst. Ekki stóð Jóhannes yfir þeim í kjörklefanum.

Þetta eru kjósendur Sjálfstæðisflokksins sem Björn nýtur ekki trausts hjá, ekki gleyma því. Og gleymum því heldur ekki að Jóhannes Jónsson var sýknaður af öllum þeim óteljandi sökum sem ríkisvaldið, í skjóli Björns, bar á hann.

Ég deili áhyggjum yfir þróun stjórnmálastarfs og réttarríkisins sjálfs með Birni, það er ekki spurning, en það er ekki vegna auglýsingar Jóhannesar heldur yfirgangs Björns sjálfs, og hans félaga, í hverju málinu á fætur öðru. Þurfum við að ræða það frekar!!!

Það að formaður flokksins skuli gefa það út að þessi skýru skilaboð kjósenda flokksins skuli að engu höfð segir mér t.d. mun meira um siðferði og þróun stjórnmálastarfs, eins og Björn kýs að kalla það, en auglýsing Jóhannesar í Bónus. 

Björn lýsir áhyggjum af þróun stjórnmálastarfs og réttarríkisins

Athugasemdir

[Rilli (IP-tala skráð) 16.5.2007 kl. 20:08]

Túlkun Björns er mjög barnaleg, að 80% hefðu lýst stuðningi við sig gegn Jóa!  Fyrst og fremst er um tímamóta niðurlægingu fyrir Bjössa en hann lætur sér ekki segjast...honum var hafnað í Borginni og fékk óviðunandi útreið í prófkjöri i haust.  Þar var tónninn í raun gefinn og enginn Jói Bónus þar.  Úr því sem komið er ver forystan Bjössa áfram.   Svo er nú ekki hægt að tala um Bjössa án þess að nefna orðin leiðinlegur, fúll, svipljótur, hrokafullur, tindátaleikur og svo mætti lengi telja.   

Eitt að lokum.  Ef kostnaður við þessar blaðaauglýsingar teljast til þess sem eingöngu auðmenn ráði við....þá er býsna stór hluti þjóðarinnar auðmenn!  Ætti ekki að vera mikið mál að bæta við yfirdráttinn í næstu kosningum og láta færa til eitthvað af fólki.

[Grétar Pétur Geirsson, 16.5.2007 kl. 20:31]

'Eg held að Sjálfstæðisflokkurinn hafi grætt á þessari auglýsingu þegar upp er staðið Margir sem voru óákveðnir kusu flokkinn bara til að geta strikað Björn út og sýnt um leið Jóhannesi samstöðu gegn þessara framkomu í hans garð  

[Hjalti Árnason, 16.5.2007 kl. 20:44]

Ég hef að sjálfsögðu ekki séð umrædda aulýsingu ( er það annars alveg öruggt að hún komi frá jóhannesi? Annað eins hefur nú verið föndrað gegnum tíðina!). fyrir það fyrsta virðist hún nú ekki vera neitt afburða gáfulegur leikur, enn síðri leikur er þessi grein. Almáttugur! Það eru til lyf við þessu!! Þetta sæmir ekki atvinnu stjórnmálamanni!

Annars er ég sammála síðasta ræðumanni. Fólk er ekki bara með eða á móti, það eru bara dráttarhestar og ónýtir stjórnmálamenn sem halda það. Þeir áttu örugglega ekki litabók þegar þeir voru litlir. Skil ekki af hverju PR-fólkið þeirra getur ekki komið þeim í skilning um þetta!

[Stefán Jónsson, 16.5.2007 kl. 21:33]

Hvernig var nú aftur orðatiltækið?
"Það er til þrenns konar lygi: Lygi, haugalygi og tölfræði!"
Eitthvað í þessa áttina.
Þetta er náttúrlega pólitískur stórleikur að halda því fram að 80% kjósenda Sjálfstæðisflokksins hafi hafnað Jóhannesi í Bónusi og líta á það sem sigur fyrir Björn Bjarnason.
Ætli þessir tölfræðisnillingar vilji þá meina að Björn hefði fengið 100% útstrikun ef ekki hefði komið til þetta 80% "samúðarfylgi" vegna þessar makalausu árásar Jóhannesar?!?
Það er ljóst að dómsmálaráðherra hefur miklar áhyggjur af tjáningarfrelsinu í landinu, þ.e.a.s honum finnst allt of mikið af því.
Það er líklega vissara að blogga af miklum móð næstu dagana, því í næsta fjölmiðlafrumvarpi verður það örugglega bannað.

[Tómas Þóroddsson, 17.5.2007 kl. 19:16]

Einn kjósandi sagði mér að hann hefði kosið XD til að geta strikað Árna Johnsen út......ég er í alvöru að spá í að stofna stjórnmálaflokk með Guðmundi í Byrginu.

[Heimir Eyvindarson, 17.5.2007 kl. 19:58]

Hahahaha, það er sterkur leikur!