Heimsreisa!

Við félagarnir í Á móti sól erum að leggja upp í mini-heimsreisu nú um helgina. Við hefjum leik annað kvöld, fimmtudagskvöld, hjá Árna vini okkar á Útlaganum á Flúðum en það er orðinn árviss viðburður að við komum fram á þeim skemmtilega stað. Við hefjum leik þar um kl. 22.00 og spilum eitthvað fram yfir miðnættið, líklega til 1. Að því loknu stígum við uppí rútu sem flytur okkur til Keflavíkur, eða Sandgerðis raunar, í flugstöð Leifs heitins en þaðan förum við snemma á föstudagsmorgun til London.

Í London er á stefnuskránni að sjá Prince á tónleikum, en hann er einmitt að klára svakalega tónleikaröð í London á föstudagskvöldið. Held að hann sé búinn að spila á 30-40 tónleikum þar í röð, síðan 1.ágúst. Það verður ekki leiðinlegt.

Á laugardaginn höldum við síðan til Hamborgar, þar sem ætlunin er að spila fyrir hestamenn af ýmsu þjóðerni, á stórum búgarði rétt fyrir utan borgina.

Á sunnudagsmorgun liggur leið okkar síðan til gömlu góðu Kaupmannahafnar, þaðan sem við fljúgum að endingu aftur heim .

 

 

Athugasemdir

[Heiðrún Dóra (IP-tala skráð) 20.9.2007 kl. 13:37]

Góða ferð!

[Hannes Heimir Friðbjörnsson, 20.9.2007 kl. 14:19]

Þetta er nú ekkert, Buff er í stúdíói um helgina!! En góða ferð samt, minntu Magna á að lána mér bókina sem hann lofaði mér! hann veit um hvað ræðir.

[Anna Sigga, 20.9.2007 kl. 15:26]

 Þið eruð nú meiri heimsborgararnir!

[Hulda Bergrós Stefánsdóttir, 20.9.2007 kl. 17:05]

Have a good trip

[Eiríkur Harðarson, 20.9.2007 kl. 20:26]

ÚTLAGINN er í GÓÐRI sveit, kemst ekki til að hlusta/dansa/njóta.

[GK, 23.9.2007 kl. 20:59]

Flúðir - London - Hamborg - Köben = Ekki amalegt.

[Rúnarsdóttir, 24.9.2007 kl. 14:17]

Jæja komdu nú með ferðasöguna félagi ...

[Anna Ólafsdóttir (anno) (IP-tala skráð) 24.9.2007 kl. 14:21]

Plís - segðu mér ALLT um Prince-tónleikana - akkúrat núna þoli ég ekki sjálfa mig  fyrir að hafa ekki aulast til að leggja meira á mig til að ná í miða á tónleikana hans.