Aftur til Berlínar

Við Auður ætlum að skella okkur til Berlínar um helgina. Þangað hef ég ekki komið síðan á tímum kalda stríðsins þegar ég, ungur kommúnistasonurinn, var sendur í sumarbúðir ráðstjórnarríkjanna í Austur-Þýzkalandi eins og ég hef áður komið að.

Ég hlakka til að eyða afmælisdeginum á Berlin-Alexanderplatz, en þar í grennd gat maður keypt amerískt gos og sælgæti gegn framvísum vestrænna skilríkja - sem var óneitanlega talsvert betra fæði en krana-teið, kardimommudroparnir og maltbrauðið sem boðið var upp á í sumarbúðunum.

Meira um það síðar.....góða helgi.

Athugasemdir

[Bryndís (IP-tala skráð) 13.4.2007 kl. 09:59]

Góða helgi og til hamingju með afmælið á morgun.

Bryndís

[GK, 15.4.2007 kl. 00:29]

Ég þarf að eyða einum degi í Berlín í maí, á heimleiðinni frá úrslitaleik Meistaradeildarinnar (krossa puttana að Púllararnir komist þangað). Hvað er skylda að sjá ef maður á einn dag í Berlín?

[Heimir Eyvindarson, 17.4.2007 kl. 08:29]

Í fyrsta lagi verð ég að óska þér til hamingju með að eiga miða á úrslitaleikinn, og í öðru lagi krossa ég puttana að sjálfsögðu með þér - enda púllari í gegn. Hvað Berlín varðar þá held ég að þú ættir að kíkja á Checkpoint Charlie, og safnið þar. Mér fannst það standa upp úr a.m.k. Ég get líka mælt með Park Inn hótelinu, það er frábært.

[GK, 18.4.2007 kl. 01:53]

Takk fyrir það. Ég hafði Checkpoint Charlie einmitt í huga...