Besserwizzer tjáir sig

Ég skrifaði heilmikinn pólítískan pistil hér á síðunni fyrir 1-2 mánuðum síðan, sem fyrir einhvern bévítans nördagang endaði sem kosningaspá. Spáin var mjög á skjön við það sem kannanir sýndu á þeim tíma og þessvegna fylgist ég grannt með öllum skoðanakönnunum, til að sjá hvort ég, besserwizzerinn, geti ekki farið að monta mig bráðum.

Hlutföllin milli VG og Samfylkingar eru á réttri leið, miðað við það sem ég spáði - alveg óháð því hverjar skoðanir mínar eru, Sjálfstæðisflokkurinn mælist með aðeins meira fylgi en ég spáði en það er í lagi því ef mig misminnir ekki skorar sá flokkur alltaf heldur minna en kannanir segja til um.

Hinsvegar ætla Frjályndir og framsókn að bregðast mér algjörlega. Ég spáði Frjálslyndum 5% fylgi, en mér sýnist á öllu að þeir séu í frjálsu falli og muni teljast heppnir nái þeir þó því. framsókn spáði ég 13-15% fylgi, svona í ljósi sögunnar, en nú gerast þau undur og stórmerki að fylgi þeirra dalar milli kannana. Það er held ég mjög óvenjulegt, svo stuttu fyrir kosningar. Um þetta leyti eru framsóknarmenn yfirleitt, ef ekki alltaf, búnir að ná flugi. Það ætlar ekki að hafast í þetta sinn.

 

Samfylkingin eykur verulega fylgi sitt á kostnað VG

Athugasemdir

[Guðmundur Guðmundsson (IP-tala skráð) 19.4.2007 kl. 10:45]

Ég er líka einn þeirra sem þykist hafa vit á öllu og þar á meðal kosningum og kosningaspám. Það dregur úr trúverðuleika þessarar könnunar að hún er gerð dagana sem fjölmiðlar voru stútfullir af landsfundartillögum og landsfundarsýningum Samfylkingar og Sjálfstæðisflokks. Gífurlegt fylgi Sjálfstæðisflokksins bendir til þess að "landsfundarmeðfyrinn" sé töluverður.

[Tómas Þóroddsson, 19.4.2007 kl. 11:17]

Þú mátt samt ekki kjósa framsókn, til láta þína spá líta vel út.

Gallup kannanir eru gerða á þremur vikum. Þannig að þriðja vikan dettur út og ný kemur inn.  Aukning Samfó er því gríðaleg þessa einu viku, held reyndar að úrtakið sé ekki stórt. Mynnir að 300 manns séu í hverji viku, heildin 900.

[Katrín Hin Káta (IP-tala skráð) 19.4.2007 kl. 12:00]

Til hamingju með afmælið fyrir nokkrum dögum 

[Guðmundur Guðmundsson (IP-tala skráð) 19.4.2007 kl. 14:13]

Könnunin var gerð á einni viku, þ.v.s. vikuna 10. - 16. apríl. Þetta var landsfundavikan. Kannanirnar vikurnar tvær á undan eru EKKI með.