Ég kaus einu sinni Kvennalistann

Eyþór Arnalds leggur merkilega útaf niðurstöðum nýjustu skoðanakönnunar á fylgi stjórnmálaflokka í Suðurkjördæmi. Á bloggsíðu sinni sér hann ástæðu til að upphefja Sjálfstæðisflokkinn fyrir að gera vel við konur, en samkvæmt könnuninni munu einu þingkonur Suðurkjördæmis koma úr röðum Sjálfstæðisflokks.

Á nú að fara að monta sig af því að vera með konur í 4. og 5. sæti framboðslistans? Á eftir Árna Johnsen og Kjartani Ólafssyni. Já, það er stórmannlegt .

Fyrst og síðast finnst mér allt tal um kynjahlutfall algerlega óþarft, mér er alveg sama hvort ég kýs konu eða karl svo framarlega sem viðkomandi er ekki vitleysingur. Ég kaus einu sinni Kvennalistann sáluga, það hafði ekkert með kynjahlutfall að gera.

Athugasemdir

[Tómas Þóroddsson, 23.4.2007 kl. 19:19]

Ég er mikið á móti kynjakvóta. En ég er mjög ánægður þegar konur ná langt og geta verið fyrirmynd dætra minna.

Annars er ég merkilega oft sammála skrifum þínum og þú ert líka virkilega góður penni.

[Hjalti Árnason, 23.4.2007 kl. 20:24]

Ég kaus líka kvennalistann, held það hafi verið einu kosningarnar sem ég skilaði gildu.......

[Heimir Eyvindarson, 23.4.2007 kl. 20:43]

Takk. Annars er ekkert skrýtið að við séum sammála, báðir yfirburðamenn