Slakaðu nú aðeins á vinur

Jose Mourinho er frábær knattspyrnustjóri. Það held ég að enginn efist um, en fyrir mitt leyti er ég fyrir löngu orðinn þreyttur á þessu eilífa væli. Auðvitað er þetta í grunninn sálfræðihernaður, en ég held að hann standi höllum fæti í því stríði um þessar mundir a.m.k.

Ég held að honum væri hollast að slaka aðeins á og sýna öðrum aðeins meiri kurteisi. Hann talar um að Ronaldo muni aldrei komast á þann stall sem honum ber ef hann gerist sekur um lygar. Á sama hátt held ég að Mourinho fái ekki þá viðurkenningu sem honum ber fyrr en hann lætur af þessum ósið.

Mourinho segir Ronaldo vera lygara

Athugasemdir

[Þórarinn (IP-tala skráð) 26.4.2007 kl. 23:00]

Til að geta dregið ályktanir er stundum gott að líta á staðreyndir.

Fjöldi vítaspyrnumarka sem United hefur fengið á sig á Trafford þetta úrvalsdeildartímabil : 2

Fjöldi vítaspyrnumarka sem Chelsea hefur fengið á sig á Brúnni þetta tímabil :0

Auðvitað gera dómararnir stundum mistök, en það hefur alltaf verið hluti af leiknum, amk í þeim fjölda tilvika þar sem Jose nokkur hefur grætt á því. Man eftir fjölda slíkra.

[Heimir Eyvindarson, 26.4.2007 kl. 23:30]

Akkurat. Þetta er leiðindaraus í kallinum.

[Anna Ólafsdóttir (anno) (IP-tala skráð) 27.4.2007 kl. 00:54]

Mourinho hefur alltaf látið svona. Endalaus væll. Kannski sálfræðibragð en mikið voðalega er það orðið þreytt hjá honum. Áfram West Ham!